朝早有動靜：胡森緊張至勇威龍

港陌

　　昨朝晨課所見， 姚本輝、胡森均備戰積極，場面並不冷清。昨日姚本輝除搵來多位華將如湯智傑、黎海榮及蘇狄雄幫手外，潘頓、柏寶兩位大師傅亦替姚廐考驗多駒，似乎對今戰高度重視。

　　一眾姚廐馬之中，最矚目首推已報名周日一班泥地1200米的「電光能源」，昨朝此駒交由柏寶出試，末段輕易造出快時間，走勢暢順，狀態已回復勇境。事實上，此駒季內已跑過三仗，盡收熱身之效，今次報爭過往累積四場頭馬紀錄的泥地1200米，擺明是出擊重心所在。而昨朝姚本輝與柏寶皆異常緊張，當此駒出試後，即見騎練兩人密斟良久， 擺明有出擊意圖，必須留意。

　　另外，胡森昨朝亦積極督操，練者整朝不斷穿梭烽火台、沙圈等地方，對一眾戰馬極度緊張，看來已屆出擊日子。其中當「至勇威龍」由副練出試時，即見胡森在烽火台頂樓高舉望遠鏡吼實，其後更趕去沙圈接馬，睇動態便知有計。

韋柏