科蘭凱旋 女友艷照贈興

胜保罗

如 果 唔 計 冠 軍 隊 西 班 牙 ， 烏 拉 圭 絕 對 係 今 屆 世 界 盃 決 賽 周 最 成 功 嘅 球 隊 ， 前 日 喺 首 都 蒙 得 維 的 亞 搞 嘅 榮 歸 活 動 ， 共 吸 引 15 萬 人 聚 集 慶 祝 國 家 隊 得 殿 軍 ， 總 統 穆 希 卡 （ Jose Mujica ） 直 言 國 家 「 從 未 試 過 咁 團 結 」 。 科 蘭 當 然 係 大 英 雄 ， 受 到 歡 呼 喝 采 、 被 隊 友 抬 起 不 在 話 下 ， 而 佢 個 阿 根 廷 索 模 女 友 娜 拉 （ Zaira Nara ） 為 雜 誌 影 嘅 艷 照 近 日 面 世 ， 都 算 為 愛 郎 凱 旋 贈 興 。


被 隊 友 抬 起 全 場 哄 動
15 萬 ， 我 哋 就 咁 聽 可 能 唔 係 好 多 ， 但 如 果 大 家 知 道 烏 拉 圭 人 口 大 約 只 得 350 萬 ， 就 知 呢 個 數 絕 對 唔 講 得 笑 。 喺 台 上 ， 總 統 穆 希 卡 當 然 係 最 多 嘢 講 ， 佢 感 激 國 家 隊 職 球 員 嘅 努 力 ： 「 你 哋 展 示 咗 咩 叫 做 勇 氣 ， 仲 畀 大 家 一 個 夢 想 可 以 成 真 嘅 希 望 ， 國 家 從 未 試 過 咁 團 結 ！ 」
不 過 ， 獲 得 最 多 掌 聲 嘅 人 始 終 都 係 贏 得 金 球 獎 嘅 射 手 科 蘭 ， 佢 喺 總 統 手 上 接 過 榮 譽 獎 牌 後 話 ： 「 之 前 諗 都 冇 諗 過 可 以 令 國 家 咁 團 結 ， 呢 份 感 覺 真 係 難 以 形 容 。 」 唔 使 講 ， 行 動 最 實 際 ， 身 邊 嘅 盧 根 奴 、 蘇 亞 雷 斯 合 力 抬 起 呢 位 大 英 雄 ， 即 時 全 場 哄 動 。


索 模 女 友 新 相 露 半 球
科 蘭 喺 球 場 威 到 盡 ， 喺 情 場 一 樣 咁 威 。 眾 所 周 知 佢 有 個 索 爆 嘅 21 歲 阿 根 廷 女 友 娜 拉 。 呢 位 前 馬 勒 當 拿 女 朋 友 雲 達 娜 拉 （ Wanda Nara ） 嘅 細 妹 ， 年 前 曾 被 某 雜 誌 選 為 最 索 嘅 西 甲 球 員 另 一 半 ， 自 然 魅 力 非 凡 。
小 妮 子 周 不 時 拍 廣 告 、 為 雜 誌 影 性 感 相 ， 好 似 今 個 月 出 版 嘅 時 尚 生 活 雜 誌 《 Remix 》 ， 就 有 一 輯 娜 拉 嘅 靚 相 ， 想 睇 性 感 嘅 有 佢 露 臀 ， 亦 有 佢 着 傳 統 服 飾 「 露 半 球 」 高 舉 世 界 盃 。 科 蘭 家 陣 紅 透 半 邊 天 ， 女 友 就 整 輯 靚 相 贈 興 ， 科 蘭 人 氣 肯 定 有 排 旺 落 去 。