本田圭佑寸得起

胜保罗

外 號 「 金 狼 」 嘅 日 本 國 寶 級 球 員 本 田 圭 佑 ， 喺 今 屆 世 盃 一 炮 而 紅 ， 加 上 染 咗 一 頭 金 髮 同 場 外 衣 着 鬼 咁 誇 張 ， 因 此 俾 人 一 種 好 寸 好 囂 嘅 感 覺 。 冇 錯 ， 佢 真 係 好 寸 ， 只 要 佢 唔 鍾 意 ， 話 之 你 係 木 村 拓 哉 都 冇 面 畀 ， 鬼 叫 佢 寸 得 起 呀 ！ 不 過 佢 都 好 醒 目 ， 識 得 分 莊 閒 ， 若 然 係 佢 同 有 關 足 球 嘅 嘢 ， 一 概 唔 會 say no 。


做 2022 年 世 盃 申 辦 大 使      

現 年 24 歲 嘅 本 田 喺 南 非 世 盃 決 賽 周 入 咗 兩 球 ， 幫 日 本 繼 02 年 後 再 次 打 入 16 強 ； 本 身 同 Avex 有 經 理 人 合 約 嘅 佢 亦 都 因 為 咁 而 人 氣 急 升 ， 廣 告 身 價 升 到 1 億 日 圓 （ 約 870 萬 港 元 ） ， 訪 問 就 收 50 萬 日 圓 。 不 過 佢 唔 係 見 錢 開 眼 ， 只 要 同 足 球 有 關 嘅 ， 冇 酬 勞 亦 好 樂 意 去 做 。
日 前 本 田 就 獲 日 本 足 總 委 任 做 2022 年 世 盃 申 辦 大 使 ， 同 巴 西 名 宿 薛 高 一 齊 幫 日 本 爭 個 主 辦 國 權 番 嚟 ； 佢 話 ： 「 8 年 前 嘅 日 韓 世 盃 決 賽 周 ， 令 我 了 解 到 足 球 可 以 感 動 好 多 人 。 我 希 望 透 過 場 上 演 出 ， 令 更 多 人 愛 上 足 球 呢 項 運 動 。 」
本 田 名 成 利 就 ， 全 靠 足 球 ， 所 以 日 本 足 總 搵 佢 幫 手 ， 當 然 冇 托 手 踭 。 除 此 之 外 ， 佢 亦 係 個 好 重 情 義 嘅 人 ， 喺 南 非 返 到 日 本 之 後 ， 為 咗 抽 時 間 見 啲 學 弟 學 妹 ， 有 錢 都 唔 搵 ； 據 聞 電 視 台 開 到 600 萬 日 圓 嘅 戲 金 ， 請 佢 上 人 氣 綜 藝 節 目 《 SMAP X SMAP 》 ， 但 佢 話 唔 嚟 就 唔 嚟 ， 硬 生 生 醒 個 大 檸 檬 畀 由 木 村 拓 哉 為 首 嘅 SMAP 嘆 ！ 本 田 雖 則 唔 俾 面 著 名 藝 人 ， 但 就 好 錫 班 學 弟 學 妹 ， 突 擊 探 訪 以 前 讀 過 嘅 幼 稚 園 、 小 學 同 中 學 。


激 勵 學 弟 學 妹 為 夢 想 奮 鬥     
      

本 田 仲 激 勵 班 學 弟 學 妹 ， 希 望 佢 哋 可 以 好 似 自 己 一 樣 ， 為 咗 實 現 夢 想 而 奮 鬥 ； 佢 話 ： 「 我 非 常 感 謝 大 家 嘅 支 持 ， 等 我 可 以 喺 追 尋 夢 想 嘅 道 路 上 充 滿 力 量 ， 我 亦 衷 心 希 望 大 家 能 夠 自 由 自 在 咁 追 尋 夢 想 。 因 為 只 有 夢 想 先 至 係 支 撐 你 一 直 走 落 去 嘅 力 量 。 」
本 田 咁 識 做 ， 又 探 學 弟 學 妹 班 同 埋 幫 日 本 足 總 手 ， 仲 冇 見 錢 開 眼 ， 令 佢 盡 贏 日 本 人 嘅 心 ； 睇 嚟 未 來 幾 年 ， 成 個 日 本 球 壇 都 會 由 佢 玩 晒 。