巴治奧育成意軍

胜保罗

巴 治 奧 出 山 ！ 係 咪 聽 見 都 覺 得 興 奮 先 ？ 雖 然 所 講 嘅 係 佢 準 備 做 意 大 利 足 總 技 術 小 組 嘅 阿 頭 ， 只 係 發 掘 同 埋 培 育 有 潛 質 嘅 年 輕 球 員 ， 並 唔 係 落 場 踢 ； 但 有 呢 位 重 量 級 嘅 昔 日 「 金 童 」 救 亡 ， 玩 「 育 成 足 球 」 意 大 利 版 ， 球 迷 係 咪 突 然 間 對 意 大 利 足 球 嘅 未 來 、 藍 軍 嘅 前 途 多 一 份 憧 憬 ？


專 責 培 養 潛 質 球 員
      

意 大 利 喺 今 屆 決 賽 周 衰 到 貼 地 ， 對 於 由 柏 蘭 迪 利 取 代 納 比 執 教 ， 目 標 自 然 直 指 2012 歐 國 盃 同 2014 世 盃 啦 ！ 相 信 球 迷 一 方 面 相 信 佢 會 帶 嚟 新 氣 象 ， 另 一 方 面 又 怕 佢 國 際 賽 領 軍 經 驗 唔 夠 ； 家 陣 巴 治 奧 將 會 為 足 總 技 術 小 組 培 養 有 潛 質 嘅 球 員 ， 同 柏 蘭 迪 利 應 該 合 作 無 間 ， 肯 定 幫 到 手 。
就 當 巴 治 奧 完 全 唔 識 教 波 ， 搵 佢 指 點 吓 啲 後 輩 一 招 半 式 ， 班 o靚 仔 都 肯 定 受 用 無 窮 啦 ！ 數 到 意 大 利 近 年 嘅 後 起 之 秀 ， 波 迷 大 概 隨 即 諗 到 蒙 杜 利 禾 同 馬 治 斯 奧 ； 其 實 佢 兩 個 正 式 上 位 嘅 時 候 已 經 唔 年 輕 ， 希 望 經 舊 「 金 童 」 點 石 成 金 ， 多 啲 後 生 仔 早 啲 上 位 啦 ！
呢 單 消 息 查 實 未 落 實 ， 但 意 大 利 傳 媒 就 講 到 言 之 鑿 鑿 ， 全 因 巴 治 奧 出 山 早 有 先 兆 ； 話 就 話 呢 個 虔 誠 佛 教 徒 近 年 畀 人 感 覺 係 深 居 簡 出 ， 其 實 不 時 出 席 公 益 活 動 ， 而 年 前 出 嘅 自 傳 亦 透 露 佢 唔 排 除 出 山 教 波 。 好 啦 ， 去 屆 歐 聯 巴 塞 隆 拿 大 勝 阿 仙 奴 後 ， 巴 治 奧 係 魯 營 座 上 客 ， 賽 後 更 獲 巴 塞 教 練 哥 迪 奧 拿 邀 請 到 更 衣 室 同 球 員 對 話 。


英 格 蘭 玩 全 意 化
      

據 講 ， 哥 迪 奧 拿 一 直 想 邀 請 呢 位 布 雷 西 亞 舊 隊 友 出 山 做 佢 助 教 ， 而 巴 治 奧 亦 曾 考 慮 過 一 陣 ； 所 以 ， 傳 佢 好 快 為 意 大 利 足 總 工 作 ， 姣 婆 守 唔 到 寡 ， 有 幾 出 奇 ？
唔 只 巴 治 奧 ， 好 似 話 曾 經 同 佢 喺 國 家 隊 共 事 嘅 泰 索 迪 、 辛 格 一 樣 搶 手 。 話 說 英 格 蘭 國 家 隊 領 隊 卡 比 路 ， 失 意 於 今 屆 世 盃 決 賽 周 後 ， 決 心 「 全 意 化 」 ， 想 搵 泰 索 迪 、 辛 格 做 助 手 ， 取 代 皮 亞 斯 同 基 文 斯 。 啱 嘅 ， 卡 比 路 冇 得 再 衰 ， 要 博 ， 搵 番 自 己 友 都 正 路 嘅 。