期待西班牙狂攻智利

胜保罗

李 老 闆 ： 外 賣 仔 ， 垂 頭 喪 氣 咁 ， 睇 波 睇 到 你 儍 咗 呀 ？ 快 啲 幫 我 送 外 賣 啦 ！
外 賣 仔 ： 老 細 ， 你 唔 明 o架 啦 ， 今 年 書 展 諗 住 買 番 本 o靚 模 寫 真 集 ， 順 便 攞 埋 簽 名 ， 點 知  家 話 唔 畀 班 o靚 模 搞 簽 名 會 宣 傳 ， 唔 可 以 近 距 離 見 到 我 心 目 中 嘅 女 神 娜 娜 ， 邊 有 心 機 呀 。
李 老 闆 ： 你 係 咪 上 腦 呀 ？ 見 唔 到 o靚 模 都 唔 使 咁 灰 ， 人 哋 書 展 本 來 就 好 有 學 術 性 o架 ， 希 望 後 生 一 輩 睇 多 啲 有 益 嘅 書 ， 學 多 啲 嘢 ， 唔 係 畀 o靚 模 騷 胸 露 背 咁 低 俗 o架 ！
潮 童 Tim ： 李 老 闆 ， 咁 又 唔 係 咁 講 啦 ，  家 乜 嘢 年 代 呀 ？ 出 寫 真 集 都 話 低 俗 ， 況 且 又 唔 係 露 點 ， 唔 算 三 級 喎 ！
外 賣 仔 ： 咪 係 ， 書 都 有 好 多 種 ， 你 嘅 道 德 標 準 又 唔 代 表 同 我 嘅 一 樣 ， 只 要 唔 違 法 就 得 啦 ， 有 乜 理 由 歧 視 呢 類 寫 真 集 ， 唔 畀 人 搞 簽 名 會 先 ？ 簡 直 就 係 雙 重 標 準 啦 ！
雙 槍 雄 ： 其 實 書 展 上 可 以 劃 一 個 區 位 出 嚟 ， 集 中 賣 所 有 o靚 模 嘅 寫 真 集 ， 同 其 他 種 類 嘅 書 分 開 ， 咁 樣 就 避 免 到 時 出 現 混 亂 情 況 ， 又 唔 會 因 為 宣 傳 時 影 響 晒 成 個 書 展 氣 氛 。
經 紀 陳 ： o靚 模 寫 真 集 只 係 啱 啲 後 生 仔 ， 我 真 係 冇 興 趣 ， 不 如 睇 世 界 盃 好 過 。 雙 槍 雄 今 晚 有 乜 心 水 ？
雙 槍 雄 ： 西 班 牙 嗰 場 肯 定 好 睇 ， 話 晒 狂 牛 要 攻 ， 智 利 又 係 踢 進 攻 足 球 ， 應 該 唔 會 白 捱 眼 瞓 睇 悶 波 。
經 紀 陳 ： 我 都 唔 想 西 班 牙 咁 快 就 玩 完 ， 一 於 買 少 少 佢 哋 贏 先 ！