睇波一定要有阿媽

胜保罗

世 界 盃 來 了 ， 起 錨 ！ 我 愛 跟 家 人 睇 波 ， 因 為 我 們 這 一 家 ， 咩 人 都 有 ！
阿 爸 ， 敵 人 。
阿 爸 是 標 準 車 路 士 迷 ， 跟 我 支 持 的 曼 聯 永 遠 過 不 去 。 他 批 評 史 高 斯 體 力 化 是 茅 躉 ， 我 還 擊 杜 奧 巴 愛 扮 嘢 是 騙 子 ； 世 界 盃 阿 爸 熱 捧 巴 西 ， 我 支 持 英 格 蘭 ， 他 說 英 格 蘭 技 術 麻 麻 只 會 高 Q 大 棍 ， 我 … … 不 知 怎 樣 去 打 擊 巴 西 ， 幸 好 ， 我 有 阿 哥 ！
阿 哥 ， 夥 伴 。
阿 哥 支 持 曼 聯 ， 亦 支 持 英 格 蘭 ， 當 我 們 一 唱 一 和 時 ， 阿 爸 的 威 力 便 大 減 ； 不 過 世 界 盃 幾 乎 日 日 開 波 ， 阿 哥 要 一 早 起 身 返 工 ， 不 能 全 力 支 援 ， 今 屆 阿 哥 威 力 不 足 ， 惟 有 寄 望 阿 媽 有 好 表 現 ！
阿 媽 ， 路 人 。
阿 媽 很 久 以 前 已 試 圖 融 入 我 們 的 球 迷 世 界 ， 可 惜 她 認 來 認 去 只 認 得 碧 咸 ； 無 論 我 們 看 甚 麼 比 賽 ， 她 都 會 問 ： 「 碧 咸 呢 ？ 」 有 時 真 的 很 煩 ！ 但 最 近 阿 媽 不 知 從 那 裏 認 識 了 鄭 大 世 ， 還 學 人 搞 gag ： 「 鄭 大 世 ， 都 唔 知 佢 大 定 細 。 」 明 顯 她 仍 關 注 球 壇 。 靈 機 一 觸 ， 於 是 我 教 了 她 一 大 堆 認 人 口 訣 ， 導 她 追 捧 英 格 蘭 ： 謝 老 四 謝 拉 特 、 林 伯 林 柏 特 、 朗 尼 似 足 史 力 加 ！ 有 阿 媽 在 ， 阿 爸 便 不 敢 太 囂 張 ！
比 賽 講 求 互 相 補 位 ， 原 本 是 路 人 ， 最 後 卻 爆 冷 成 了 秘 密 武 器 ， 所 以 睇 波 一 定 要 有 阿 媽 ， 唔 預 阿 媽 ？ 超 錯 ！