皇馬主場有鑊氣

猪拉多纳

切爾達係強隊點心

西班牙盃8強首回合賽事，皇家馬德里率先喺主場迎戰切爾達。「銀河艦隊」今季表現強勁，力爭囊括各大錦標，今仗更加要趁地利優勢盡數對手，奠定晉級基礎。皇馬近5次主場對切爾達獲得全勝之餘，其中4仗更贏3球或以上，讓球主客和皇馬就算讓二球都冇有怕，捧2.18倍讓球主勝。

（周四凌晨4時15分開賽）
艦隊後備兵搏命爭上位

皇馬周日西甲作客西維爾雖然倒灶輸波，但主場成績仍然無懈可擊，近9次自己地頭出擊取得8勝1和，當中有5次都大勝對手3球或以上。最值得參考係上圈西班牙盃16強首回合主場賽事，主帥施丹收起兩位射手C朗拿度同賓施馬之下，都可以大勝西甲「二哥」西維爾3比0，可見皇馬級數之高。事實上，皇馬後備陣容同樣星光熠熠，艾華路莫拉達及馬高阿辛斯奧均是獨當一面嘅進攻猛將，往往可以把握上陣機會爭取表現，希望可以喺將來獲得正選，當然會搏命同盡量入多幾球。

切爾達今季表現「遇強即屈」，對住西甲前列球隊經常大敗收場，包括0比4不敵馬德里體育會，以及0比5大敗喺維拉利爾腳下，上月對西維爾亦輸0比3。切爾達對上一次西班牙盃作客皇馬，就大敗0比4而回，面對眾多不利因素，相信切爾達今仗難逃大敗，一於捧讓球主勝。