艾高干半和 好時基

猪拉多纳

今晚雖然得6場波，但阿King一樣搵到正嘢，西班牙盃第2圈賽事，當中啱啱降落西乙嘅基達菲作客艾高干。基達菲踢法向來保守至上，近7仗半場都係同對手打和，今仗對住艾高干應該會繼續呢種踢法，阿King一於捧1.86倍嘅半場和。

（周五凌晨4時開賽）

基達菲今夏衰到降班，中場柏度李安同前鋒艾華路華斯基斯選擇「跳船」離隊，阿根廷主帥艾斯尼達趁機引入唔少同鄉，好似中堅丹尼爾戴亞斯同中場科連等，但磨合需時，所以開咧至今3戰皆和。基達菲最近7場賽事都同對手喺半場打和，而且全部開出0比0波膽，反映球隊習慣半場穩紮穩打，今仗應該會沿用呢種踢法。

現時排西乙第18位嘅艾高干，開季3戰只得2和1負成績麻麻，陣中最具名氣嘅係上季踢緊利雲特嘅守將大衞拿華路。不過艾高干攻力始終令人擔心，球隊開咧3場只入得1球，主帥高士曼干查「限米煮限飯」，未必咬得入基達菲，一於捧半場和。
3場西盃串「半和」有分頭

另外2場西盃推介，先有西乙排19嘅侯爾斯卡主場鬥基羅納，侯爾斯卡開季3戰不勝場場開半和；基羅納今仗有主帥安克拉停賽，調兵遣將有影響，要半場和。（周五凌晨1時開賽）另1場UCAM梅西亞主場對奧維多，奧維多由前皇馬名將希亞路執教，球隊攻弱守強對住有多位前鋒未開齋嘅UCAM梅西亞，都係捧半和啦！

（周五凌晨2時開賽）