博洛尼亞細盤有路捉

猪拉多纳

今晚仲有唔少賽事，阿King就以意甲博洛尼亞主場對維羅納，入球細作為重心，再串葡超雙雄波圖、士砵亭一齊大炒對手。博洛尼亞守強攻弱，可以守和祖雲達斯0比0，但對護級分子卡比，亦一樣互交白卷，因此唔好以為佢哋能夠喺包尾大幡維羅納身上佔到甜頭，隨時又悶戰一場，捧1.66倍細啱數。

（TVB301周二凌晨2時45分直播）

博洛尼亞屬於「神經刀」，今季主場鬥羅馬、拿玻里、費倫天拿、祖雲達斯等強隊都保持不敗，偏偏對住卡比，卻打和0比0，上仗仲吞阿特蘭大兩蛋添，認真難捉摸。

不過細心留意一下，就會發現博洛尼亞守強攻弱特性明顯，近5仗只入1球，但當中3場打和0比0，近8場聯賽仲有7場開細，所以係有路可捉。

同埋對手維羅納實力非常弱，係今季意甲唯一作客仍未贏波嘅球隊，恐怕難逃降班厄運，球員可能已無心戀戰。而且老牌射手東尼水準亦大不如前，預料難以攻破防守穩健嘅博洛尼亞大門，食白果機會高唱入雲。
葡超雙雄搶分炒得起

葡超二哥士砵亭、三哥波圖分途出擊，士砵亭落後榜首賓菲加5分，但踢少1場，仲有得追，今仗作客比蘭倫斯，應會全力搶攻，博1.93倍讓球客勝。至於波圖主場對包尾嘅唐迪拉，大勝冇難度，波圖讓兩球，都要1.78倍讓球主勝。

（有線155台周二凌晨2時直播）