巴拉圭訪高原凶地難逃厄運

猪拉多纳

另一場南美洲區世盃外圍賽，由4連勝嘅厄瓜多爾主場對巴拉圭。厄瓜多爾陣中擁有唔少外流球員，加上主場嘅「高原效應」，可以話佔盡天時地利人和。巴拉圭陣容不整，加上近年作客厄軍輸多贏少，讓球主客和厄瓜多爾讓一球，阿謙寧推介讓球主勝。

（周五清晨5時開賽）
厄瓜多爾國際賽6連勝

厄瓜多爾現時4戰全勝得12分排喺榜首，佢哋自去年6月開始已經喺國際賽錄得6連勝，當中包括舊年10月作客贏阿根廷，絕對唔講得笑。陣中擁有一班外流球星包括韋斯咸安拿華倫西亞、曼聯路爾斯華倫西亞、史雲斯謝法臣蒙迪路等，今仗雖有愛斯賓奴射手卡些度因傷缺陣，絕對有機輕取巴拉圭。

巴拉圭現時排第4表現一般，球隊早前作客弱旅秘魯都輸波，可見客戰並非強項。巴拉圭今仗陣容不整，只靠彭美拉斯嘅前鋒巴里奧斯攻堅，加上近6次造訪厄瓜多爾嘅高原主場只得1和5負，相信都係凶多吉少，阿謙睇好厄瓜多爾今仗可輕取對手，一於捧讓球主勝。