近年征聖荷例有分執 伐木者強勢受讓筍

猪拉多纳

上屆美職季後賽盟主波特蘭伐木者，嚟到今季依然保持強勢，上仗2:1打敗季後賽亞軍哥倫布機員，盡顯實力同狀態。呢次佢哋作客聖荷西地震，憑班波近年頻頻喺聖荷西搶分嘅經驗嚟睇，想保持不敗真係冇乜難度可言，1.51倍讓客唔好錯過。

（TVB302周一早上7:00直播）
剛簽李城翼鋒巴姆比

伐木者成功喺聯賽開門紅後，未有停下步伐，賽前反而落實簽入李斯特城翼鋒巴姆比增強實力，足見球會幾咁進取。事實上佢哋今季成功保留大部分主力成員，上季首席前鋒費蘭度亞迪上仗亦順利開齋，人腳未有太大改變下，仍然值得支持佢哋。
地震多名主力養緊傷

何況伐木者對上6次作客地震，足足5次保持不敗，呢勻可以受讓咁筍，梗係唔好放過。再講地震上仗雖然亦打開勝利之門，之但係佢哋飽受傷兵問題困擾，前鋒哥迪爾卡圖、中場比路斯、守將佐敦史超活等人均需養傷，人腳唔齊整，呢次對住伐木者仲點贏吖。