南部打吡 合演均細之戰

猪拉多纳

普埃布拉主場對華拿古斯係墨超今周最重要賽事，呢場「南部打吡」已經超過80年歷史，兩軍自30年代業餘時代已經係敵人，多年嚟都想置對方於死地，今場場外場內都會加強保安，不過，仇視還仇視，賽果又唔係踢到飛沙劈石咁款，過去4次普埃布拉喺主場對華拿古斯都係0比0，今場睇嚟都係緊湊而唔刺激，再捧細盤。

（周一早上7時開賽）
華拿古斯曾踢普埃布拉降班

分析打吡戰，唔能夠從近況去睇，一定要睇歷史同往績，仇口大於一切。普埃布拉及華拿古斯同處於墨西哥南邊，自30年代已經係死對頭，1943年墨西哥盃對賽，係職業化後首次互撼，當時係打成平手。至於近10年嘅經典「南部打吡」，首選2005年4月30日，普埃布拉跌入降班區踢附加賽，畀華拿古斯一個補時入波贏2比1，普埃布拉要降班。

到近年賽事大家無乜高低，不過，近4次普埃布拉主場嘅「南部打吡」都係互交白券，足智彩開盤都冇因普埃布拉近期入得又失得，令入球大變成低水，畀晒貼士大家，事實上，普埃布拉前鋒艾華路拿華路因傷避戰，中場法蘭斯商托利斯上仗攞紅牌缺陣，冇咗兩人攻力影響甚大，捧細啱數。