勝利專心聯賽翻炒水手

猪拉多纳

今日下午澳職有場獨腳戲，墨爾本勝利作客鬥中岸水手。中岸水手聯賽4連敗，狀態低沉靠唔住，墨爾本勝利難得周中唔使應付亞冠盃，今仗可專心聯賽爭勝，勝利過往面對中岸水手贏多輸少，作客讓半一捧上盤。

（周日下午2時開賽）

中岸水手今季聯賽踢咗21場只得3勝，當中2場對手係排尾二嘅威靈頓鳳凰，另一場係季初擊敗中下游嘅珀斯光輝，整體實力同前列球隊明顯有一段距離。墨爾本勝利近況亦一般，不過某程度係受亞冠盃影響，既然周中亞冠盃休息，勝利係時候踢番場好波。勝利近7次對中岸水手取得6勝1和，唯一和波係最近一次交手，勝利喺半場落後0比3嘅情況下連追3球逼和3比3，只要今場唔好再大意，贏波問題不大，讓半一上盤可捧。
里昂福地出擊炸甘岡

另外兩關賽事，法甲尾場直播里昂主場對甘岡，里昂自從改用新主場比賽，5次主場出擊取得4勝1和，包括上周末以2比1擊敗巴黎聖日耳門打破對手聯賽不敗身，強勢面對甘岡可再下一城，捧讓球主勝。

（TVB 302周一凌晨4時直播）

最後葡超布拉加主場對波圖，布拉加聯賽連盃賽近10仗主場6勝4和未輸過，表現硬淨，波圖剛打入葡萄牙盃決賽要回氣，兩軍近3次交手全部開細，細盤可再追。

（有線155台周一凌晨4時30分直播）