流浪者墨城做大騷

猪拉多纳

周五澳職賽事上演獨腳戲，由榜首嘅西悉尼流浪者主場迎戰排「二哥」墨爾本城。呢場份屬榜首大戰，兩者為爭奪一哥之位肯定搏到盡，墨爾本城係今季澳職入球王，而且球隊近8場作客有7次開大盤，相信今場龍爭虎鬥入波唔會少，阿謙推介入球大。

（有線64及203台周五下午4時40分直播）

墨爾本城今季火力大爆發，16場聯賽攻入40球，平均每入多過兩球認真犀利，一對前鋒哈利洛維奴同埋科拿路利合共貢獻21球，包辦球隊超過一半嘅入球，可見呢對前鋒在陣，墨爾本城就有能力喺對手身上取得入球。
「二哥」墨城搶分盡搏

雖然墨爾本城陣中有唔少傷兵，包括後衞干洛卓文、中場占姆士布朗、前鋒麥克馬連奴同哥利加美路唔踢得，但其他戰將近期狀態甚弗，今仗為擊敗對手登上榜首位置，就算客場出擊相信都會主動搶攻爭取入球。

流浪者的入球數字雖然比墨爾本城少15球，但亦係聯賽火力第2強嘅球隊，球隊上仗憑後備上陣嘅辛達比利射入奠勝球，以2比1氣走中岸水手，雖然險勝但表現令球迷非常滿意。流浪者今仗有守將杜普史丹利坐完波監復出，前鋒蘇迪里奧踢完U23亞洲盃回歸，陣中冇傷兵問題下可強陣出擊。兩支澳職火力最強嘅球隊交鋒，阿謙估計今仗隨時上演入球騷，大盤有買趁早。