Big5殺手撐錘仔幫再扑藍月

猪拉多纳

排第3位嘅曼城深夜作客「錘仔幫」韋斯咸。韋斯咸今季表現遇強愈強，聯賽面對傳統Big 5球隊竟豪取5勝1和嘅佳績，包括首循環作客贏過曼城，撞正「藍月亮」近期聯賽作客戰績飄忽，「錘仔幫」主場戰績又咁好，今仗仲有得受讓，當然全力推介讓球主勝。

（now 621周日凌晨1時30分直播）

韋斯咸今季盡顯劫富濟貧本色，既會失分畀阿士東維拉、新特蘭同紐卡素呢啲護級分子，但面對傳統Big 5球隊就特別醒神，合共取得5勝1和嘅成績，包括主客雙殺利物浦，客勝阿仙奴、曼城同埋主場擊敗車路士，作客曼聯都可以和波攞番1分，可以話係Big5殺手。
曼城作客唔穩陣

韋斯咸今仗雖有安祖卡路爾同祖爾奧拜恩有傷唔踢得，但球隊前線主力好似皮耶同安拿華倫西亞近況都唔曳，而且近9仗主場錄得5勝4和，今仗遇上主客反差極大，近7仗聯賽作客僅錄得1勝3和3負，仲有隊長高柏尼繼續缺陣嘅「藍月亮」，相信未必咁易贏到，讓球主客和「錘仔幫」受讓一球，讓球主勝值得捧場。