馬體會客Ｗ拉唔住

猪拉多纳

阿King今日搵到場好嘢畀大家做過關膽，就係西甲馬拉加主場對馬德里體育會。馬體會近期豪取9連勝追到同巴塞同分，今場可望趁住巴塞踢世冠盃，全取3分獨霸榜首，馬拉加上場喺西班牙盃對乙組仔都輸波，1.57倍嘅客勝絕對係今日過關變倍器！

（now 632周一凌晨3時30分直播）

巴塞同馬體會同得35分，前者以較佳得失球排第一，不過「地上最強」今輪西甲輪空，馬體會唔乘機升上榜首等幾時呀？雖然有傳馬體會教頭施蒙尼下季過檔車路士，但球隊依家槍口一致向外，士氣咁好，又點會受到呢啲未有真實證據支持嘅傳聞影響吖！馬體會近9場全勝，當中6場能夠保持不失，防守夠晒硬淨，馬拉加主場出擊都冇乜優勢囉，簡單要個客勝！
畢爾包士氣盛直取「讓主」

阿King講多兩場西甲，首先係畢爾包主場對包尾大幡利雲特，畢爾包上周中喺西班牙盃大勝拉連斯6比0，雖然主因係對手太弱，不過大勝一仗點都可以振奮士氣，今場對住作客例牌腳軟嘅利雲特，捧讓球主勝！

（now 631、668周一凌晨1時15分直播）

最後係皇家蘇斯達主場迎戰維拉利爾，皇蘇有中場迪拉比拿停賽，加上陣中傷兵不少，包括中場蘇魯圖沙、後衞米基干沙利斯等，今場搶分難度高，維拉利爾近5次作客皇蘇均不敗，今場受讓值捧。

（now 632周一凌晨1時15分直播）