車仔無人駕駛新特蘭頂到半場

猪拉多纳

喺車路士主場對新特蘭嘅前夕，「寸王」莫連奴正式被炒，最Happy莫過於一班車仔球員，特別係盛傳同「寸王」不和嘅迪亞高哥斯達同夏薩特，主場出擊面對「黑貓」，以其實力，雖然今仗「無人駕駛」，但仍有望全取3分，不過對手新特蘭亦好硬淨，應可頂到半場，推介2.5倍半場和。

（now 622周六晚11時直播）

「寸王」開季以來，幾乎得罪晒成隊球員，搞到迪亞高哥斯達、夏薩特、尼曼查馬迪等一眾主力士氣低落，成績亦愈踢愈差，成功「逼走」莫連奴後，相信球員會為自己嘅仕途而搏命，今場喺主場球迷面前梗要踢番場好波，否則實畀「車迷」柴台。車仔陣中冇乜傷兵，上場鬥李斯特城疑似詐傷嘅夏薩特今場都會上陣，阿布昨日更「御駕親征」車仔訓練場督操，夫添下贏波在望。
作客死守大Sam最拿手

不過車仔頹咗咁耐，想一下子谷番起狀態有難度。新特蘭領隊艾拿戴斯上季帶領韋斯咸曾成功悶和過車仔0比0，賽後被莫連奴諷刺佢哋踢嘅係「19世紀足球」，死守保不敗。大Sam最拿手就係高Q大棍傳統英式踢法，以守為先，呢場16位對19位嘅「護級大戰」，「黑貓」不求贏波，只求不敗，肯定會再踢「19世紀足球」，相信即使最終攞唔到分，但至少可以頂住半場唔使輸，車仔對上4次對新特蘭均開出半場和，值得再追！