博恒大上盤有「里」據

猪拉多纳

決戰定律 客和主勝

2015年亞冠盃王者今晚誕生！廣州恒大淘寶（足智彩譯FC廣州）今晚喺天河主場出擊，响亞冠盃決賽次回合迎戰阿聯酋阿爾阿里，基於恒大擅長利用主場優勢，讓半一1.68倍上盤唔博就笨。

（now 672台周六晚8:00直播）

恒大係公認嘅亞洲頂尖強隊，首回合作客雖然只能0:0打和阿爾阿里，表面睇似乎捉到鹿唔曉脫角，錯過咗攞作客入球嘅良機，但係首回合客戰和波，其實對佢哋嚟講係個吉兆，事關恒大响亞冠盃過去7次先客後主，只要首回合唔輸，佢哋次回合就百分之百過關，2013年奪標嗰次，恒大就係客和主勝登上王座。

老實講，亞冠盃咁耐以嚟有8屆採用主客兩回合制決定冠軍，當中有3次首回合打和，次回合嘅主隊都能夠贏波捧盃，呢個規律同樣有利恒大。何況今場決戰嘅執法球證、嚟自烏茲別克嘅伊爾馬托夫，曾經响今屆亞冠盃8強次回合，主吹恒大主場對城南一和場波，當時恒大就淨勝對手兩球，「往績」咁好，今次真係瓣瓣都幫埋恒大。
列卡度高拉特傷勢未愈

當然，恒大件中堅馮瀟霆、前鋒列卡度高拉特都有傷，賽前一直冇確鑿消息證明佢兩個出得，但係恒大仲有艾傑臣、郜林、黃博文同鄭智等一班高質球星，平均質素肯定強過阿爾阿里，小勝第一次躋身亞冠盃決賽嘅對手唔難，讓半一低水好抵玩。