傷兵多主場冇優勢 羅馬迎拉素敲半和

猪拉多纳

萬眾矚目嘅「羅馬打吡」今晚爆發，掛名主場嘅羅馬火併拉素，論近況當然係羅馬較好，不過佢哋依家受到傷患困擾，要攻破拉素防線都唔容易，呢場波玩「半場和」好路。

（TVB302周日晚10:00直播）
近5對賽半場4開0:0

雖然呢兩隊死敵每次交鋒都氣氛熾熱，不過兩隊球員似乎比較冷靜，踢法都係穩打穩紮，近5次「羅馬打吡」有4次開出半場0:0波膽，證明大家都想喺早段採取較為保守嘅策略。

何況羅馬依家前線人腳唔多夠，除咗39歲嘅隊長托迪養傷之外，波斯尼亞攻擊中場比真歷今仗亦要坐波監，入球能力必然大打折扣。兩隊周中搏完歐洲賽，體能未必支持到佢哋即時入局，令「半場和」機會大大提高。