北韓匈牙利陪跑格獻細

猪拉多纳

世青盃E組今日有場北韓U20對匈牙利U20，雖然兩隊都係陪跑格局，但從投X角度睇就係唔錯嘅戲碼，因為北韓鍾意玩單箭頭，火力唔算太強，撞啱匈牙利前線冇人孭飛，博1.75倍入球細啦！

（開賽時間：周一中午12:00）
北韓慣用單箭頭

上年U19亞洲盃得亞軍嘅北韓U20，雖然佢哋喺決賽以0:1不敵卡塔爾U19飲恨，不過効力四月二十五日嘅前鋒曹光吉，就攻入5球成為神射手之一。睇番北韓各個級別代表隊，其實班波嘅打法幾乎倒模一樣用單箭頭，就好似有上咗位嘅鄭大世同朴光龍，今次曹光吉肯定會成為對手重點看管目標，唔容易入波。

另邊廂嘅匈牙利U20就召入咗幾件外流兵，例如RB萊比錫中場蘇特卡爾馬、阿特蘭大中場科加斯、守將基錫基斯及布拉格斯拉維亞後衞達馬斯歸隊，弊在前線就搵個似樣啲嘅球員都冇，加上佢哋跟手會惡撼巴西U20，今場最緊要穩穩陣陣搶到分先，旨意佢哋開入球騷，似乎難咗啲囉！
世青盃E組