尹佩斯爭氣 射爆水晶宮

猪拉多纳

迪比入魔隨時無碇企

「英超曼聯又輸一場！」經歷2月底至4月初強勢後，曼聯最近表現突然插水慘遭3連敗，依家喺積分榜畀第5位嘅利物浦追得好貼，如果要保住下屆歐聯參賽席位，今晚作客同樣錄得3連敗嘅水晶宮不容再失，「紅魔鬼」啱啱簽入荷蘭新星迪比，身為師兄嘅尹佩斯隨時冇碇企，今鋪唔搏等幾時？信「荷蘭神箭」，撐1.73倍嘅曼聯客勝！

曼聯喺近3場聯賽錄得3連敗兼慘吞6蛋，亦係繼2001年後第一次錄得3連敗劣績。「紅魔」上仗對住「泊大巴」嘅西布朗雖然全場撳住人哋嚟踢，但尹佩斯唔爭氣射失12碼，「師傅」尹戈爾嬲到話唔會再畀佢處理極刑，轉個頭仲簽埋尹佩斯個國家隊師弟迪比添，咁樣畀人落面法，尹佩斯今鋪肯定爭氣盡地一煲，當正水晶宮係迪比、尹帥咁嚟射啦！從另一角度睇，尹戈爾連愛徒尹佩斯都可以冇面畀，其他球星見到咁嘅環境，仲唔打醒十二分精神搏埋條老命佢咩？
曼聯卡域克提早收咧

事實上，曼聯雖然有卡域克提早收咧，但佢哋同第5位嘅利物浦只係相差4分，家陣剩番3場聯賽，「紅軍」絕對有機會趕過曼聯，而且「紅魔」餘下3場聯賽包括今晚作客水晶宮、主場硬撼阿仙奴同煞科戰造訪侯城，場場都係硬仗，今晚對住3隊中近況最曳嘅水晶宮，絕對有必要全取3分，以確保前4席位。
水晶宮大踢風流波

另邊廂嘅水晶宮，自從1月由柏杜領軍後成績大躍進，佢哋早前更取得4連勝係威係勢添，可惜接連搶分後水晶宮近排放鬆晒，近3場聯賽輸晒兼慘吞5蛋，點撐呀？咁又難怪喎，事關水晶宮排喺積分榜第12位，既無護級壓力，又無名次要追，成班球員落到場難免放軟手腳等放暑假，戰意肯定輸晒，今鋪主場出擊，都好難阻到曼聯開W咯。
盤路解碼

曼聯13次聯賽迎戰水晶宮贏11次，勝率約85%。
Data King：曼聯對賽少失波

‧曼聯對上10次鬥水晶宮8次零封對手。

‧紅魔近22場英超作客倫敦球會，獲12勝8和2負。

‧只要朗尼入多2粒，即可登上英超最佳射手榜第2位。