Goal手開大片

猪拉多纳

今晚英超大戰，利物浦主場對曼城，兩軍上周都失意歐洲賽，但返番聯賽戰線已無失分空間，肯定搏盡，而且兩軍對賽例多波入，一眾殺手嘅腳風又咁順，1.75倍入球大係最佳投X選擇。

（now621台周日晚8:00直播）

利物浦啱啱喺歐霸盃射輸12碼畀比錫達斯，雖然「紅軍」有玩輪換，問題係始終踢足120分鐘，加埋航班延誤，返到利市已經係當地時間周五凌晨4點，相信唔少球員都身心俱疲，本來呢點對利物浦好不利，但考慮到曼城上周中都踢完歐聯大戰，最重要係佢哋近年作客利物浦成績極差，所以樂比認為兩軍都冇必勝把握，所以放棄讓球盤，改向入球大埋手。
近6次對賽全開大

事實上，兩班波近期嘅入球率都唔錯，近10場聯賽不敗嘅「紅軍」平均有1.9個入球，雖然隊長謝拉特養傷，但攻擊重心史杜列治、史達寧同菲臘比古天奴都可以落場，其中古天奴上季兩鬥曼城都有波入，堪稱福將。曼城比利物浦更弗，近兩場英超分別大炒史篤城4:1及紐卡素5:0，主力射手阿古路近3戰勁入4粒，依家喺射手榜同迪亞高哥斯達鬥得難分難解，可惜「藍月亮」條防線唔太穩陣，近6仗有5場有失波，隊長高柏尼頻頻出醜，有利今場開大。

睇埋近6次交手全部開「大」，有5次總入球更達4球或以上，有晒數據支持。由於爭標形勢同歐聯入場券嘅競爭都相當激烈，曼城落後榜首車仔5分，第6嘅利物浦則要爭入前四，今場和波對兩隊形勢都好不利，唔到佢哋唔攻，1.75倍入球大相當吸引。
樂比推介

利物浦（入球大）