封面千祈咪走寶

不死鸟

何良上兩季經過調整期及換血後，今季終於踏入收成期，剛戰快活谷夜賽，出4駒取得2冠1季佳績，表現極之好，今次周日賽事，此倉又出馬5匹，而其中列陣第一場五班1600米的「封面」，更一定要留意！
「封面」的情況與「我跑得」甚相似，兩駒都是遲熟一族，而去季尾這兩駒在陣上亦已有走勢，不過就是仍未贏馬，但觀乎「我跑得」剛戰一出即在谷草1650米打開勝門，今戰「封面」當然要睇住！「封面」去季最後兩仗，分別在田草1600米和1800米，跑得第4和第5名，其走勢明顯大有改進，證明馬匹漸入正軌。
經過暑期後，此駒更見成熟進步，而早前馬匹試一課1200米泥閘，在10駒中以第6名過終點，大家唔好以為佢走勢唔好，這剛好相反，其走勢是非常之好，如各位有心機的話，可上馬會公眾網頁睇回其試閘走勢，事實上馬匹過終點後，就像一枝箭一樣衝過晒所有馬，走到去對面直路才能收停，其觀感極佳。今季此駒踏入4歲是黃金期，今次初出跑1600米，唔買真係走寶！