南韓伊拉克吼半場和

猪拉多纳

虎獅惡戰謀定後動

亞洲盃準決賽今午先演虎獅惡戰，「太極虎」南韓火併「兩河之獅」伊拉克，南韓牌面稍佔上風，加上有多一日時間休息體能佔優，但伊拉克8強戰力克爭標熱門之一嘅伊朗亦士氣大振，有力給予南韓極大麻煩。雙方特點都係守強攻弱，嚟到準決賽更加謹慎，預期入球唔會多，但細盤賠率乏味不如吼1.92倍半場和。

（now 671周一下午5時直播）

隨住亞洲世界排名最高嘅伊朗，同衞冕嘅日本雙雙出局，令今戰雙方對爭盃更添憧憬，南韓傳媒於日本出局後高呼要捍衞東亞足球聲譽而戰，該國上次捧亞洲盃已經追溯到1960年，今次難得機會決心要搔55年之癢，不過南韓前屆（2007年）亦喺準決賽同伊拉克相遇，當時踢足百二分鐘互無紀錄，伊拉克互射12碼勝出晉級，並最終首度奪冠。
南韓鋒力減以穩為先

雙方喺今屆賽事愈踢愈進步，南韓頭兩仗小勝阿曼同科威特表現並冇冠軍相，但隨後殺敗澳洲同上仗憑孫興民加時梅開二度氣走烏茲別克，喺德國名帥史泰歷克帶領下表現愈來愈硬淨，至今四戰未失一球，球隊兩大主力具滋哲同李青龍因傷緣盡亞洲盃，對攻力無疑構成影響，但亦令球隊下定決心以穩為先。

伊拉克分組賽表現平平，半準決賽鬥到互射12碼險勝伊朗，好大程度亦因為對手大部分時間踢少個，經過呢場硬仗，同休息時間少南韓一日，體能無疑較為輸蝕，四朝元老尤尼斯上仗搏足百二分鐘難回氣，加上主力防中耶沙卡斯米停賽，今仗勝算在南韓之下。
伊拉克上半場零入球

不過伊拉克挫敗伊朗後全隊士氣如虹，球隊一向謀定後動，今屆四戰（包括對魚腩巴勒斯坦）從未試過喺上半場入波，今戰亦會先求穩守。南韓贏面稍高，但主Ｗ同入球細賠率太熱，重點推介半場和，求好分可以博埋有3倍嘅讓球和同3.7倍嘅半全場和主。
晉級賠率

南韓 1.28倍

伊拉克 3.3倍

接受即場投X