猛虎出柙！紅魔撲殺老苦

猪拉多纳

曼聯迎戰侯城力爭3連勝！

英超曼聯又贏一場！中咗「十字咒」嘅曼聯上場聯賽作客擊敗阿仙奴，成功打開今季作客勝利之門！「紅魔鬼」連贏水晶宮同阿仙奴全取6分後，已殺上積分榜前4，今場仲有「老虎」法卡奧傷愈，猛虎出柙、梗係要騷吓「哥利」啦！今晚曼聯喺奧脫福迎戰綽號又係叫老虎嘅侯城，Yennie信「紅魔」可以拎到3連勝，1.78倍「讓主」要捧！

經過12輪比賽之後，曼聯幾經辛苦終於爬番上積分榜前4位置，重振昔日「Big4」雄風！雖然勞基梳爾上仗受傷，據聞要到2015年先可以復出，不過曼聯都有好消息嘅，就係今季由摩納哥借用番嚟嘅「老虎」法卡奧，英國傳媒話佢已經好番晒，仲操足練咗幾日波添，今晚即使未必正選搏殺，但都好大機會後備落場殺敵。
法卡奧搏盡爭長約

冇錯，你可以話呢位哥倫比亞前鋒加盟曼聯後傷多過踢，而且佢為「紅魔」上陣5次只得1個「士哥」，好似貨不對辦咁，但大家之前睇西甲法甲，都知道「老虎」根本係有料嘅，加上領隊尹戈爾話，可能會取消買斷佢嘅計劃，咁搞法，法卡奧梗係知驚啦，相信佢今晚一定全力以赴博表現，配合尹佩斯、朗尼、迪馬利亞等進攻好手，曼聯嘅鋒力可以話前所未有咁勁！
侯城主力過晒氣

相反，另一隻「老虎」侯城，絕對可以用「老苦」嚟形容，呢班波開季成績曳到冇人有，近10場聯賽贏得1場咁大把！鬼咩！成班主力都過晒氣，賓艾化、戴臣、侯度史東呢班人，只係紐卡素同熱刺嘅棄將，最打得嗰件射手謝拉域又啱啱傷愈，邊信得過呀？最慘係侯城班球員去到人哋地頭例牌腳軟，今季6場客戰只係贏過降班膽QPR，今晚去到曼聯地頭奧脫福，睇怕都係凶多吉少囉！
盤路解碼

侯城今季英超6場作客開出5口「半場和」。
Data King：朗尼專打老虎

‧紅魔射手朗尼近4次英超鬥侯城轟入6球。

‧侯城11次聯賽作客曼聯，錄得1和10負。

‧侯城暫時係今季英超解圍（525）同封阻射門（73）次數最多嘅球隊。