黑山夠料翻轉奧地利

猪拉多纳

巴爾幹半島一向被稱為「歐洲火藥庫」，但同時亦係足球人才庫，前南斯拉夫解體後，各支分裂出來嘅國家隊表現都唔錯，大至克羅地亞，細至黑山，皆具備一定實力。人口唔夠100萬嘅黑山成立時間尚短，未有優秀國際賽成績支持，評級往往被低估。其實黑山人腳不俗，今晚於歐國盃外圍賽G組作客奧地利，有得受讓半一，下盤值得一試。

（周一凌晨零時開賽）
俄羅斯被高估捧對家

黑山07年以獨立身份出戰國際賽，成績蒸蒸日上，上屆歐國盃外圍賽更獲得附加賽資格，惜未能再進一步。黑山今屆再接再厲，上仗雖被列支敦士登守和，但射門多達28次，反觀對手僅3次，贏唔到的確欠運。不過黑山始終有質素，進攻有祖維迪同胡仙歷，防守有費倫天拿嘅中堅史提芬沙域，足以同同組列強抗衡。奧地利並非擅攻球隊，今場首席射手真高停賽惡唔出樣，點讓得起半一先？

同組嘅俄羅斯因為有名帥卡比路執教，一直被高估，但無論剛過去嘅世界盃，或者今屆歐國外，表現都唔夠說服力，主場讓唔起摩爾多瓦兩球半、三球。另外C組烏克蘭亦唔高得過馬其頓幾多，寧揀受讓球半、兩球嘅馬其頓。

肥叔心水

黑山 下盤

摩爾多瓦 下盤、大

馬其頓 下盤

白俄羅斯 下盤