心跳豆腐防線難擋紅鑽

猪拉多纳

（六）1 清水心跳 Vs 浦和紅鑽

清水心跳今日喺日職主場鬥浦和紅鑽，唔輸都好難，首先佢哋有後衞李記帝同迪贊積高域停賽，其次中堅莊亞賓傷埋，後防3件唔踢得肯定頭痕，對家紅鑽已經喺日皇盃同日聯盃出晒局，梗係要開1.62倍客W保住聯賽冠軍希望啦！

（有線61及201周六下午2:00直播）

大家都知，清水嘅後防易碎過豆腐，連仙台維加泰都試過入佢哋3球贏波。雖然清水前鋒大前元紀最近翻生，可惜佢哋防線殘缺，唔失波真係要還神。另一方面，紅鑽只係領先次席嘅鳥棲砂岩3分，除非佢哋連聯賽錦標都唔想要，否則梗係要踩多清水一腳啦！