吳嘉晉遇好好機會

猪拉多纳

　　剛戰谷草夜馬吳嘉晉勝出東廐「幸福指數」，乃轉拜告仔門下後首次替師父贏馬。今日田草賽事，告仔共交四駒給新徒弟仔上陣，當中應以第八場「好好機會」餐士最大。此駒季內10仗悉數落第，評分已由季初時的76分下調至目前62分，還較上季贏馬時（同樣今戰之田草1600米）低6分，可見已有反彈條件。事實上場同程放至埋門才力弱，最終跑第五負於頭馬不過一個馬位多，近況明顯有起色。加上今場對手唔強，甚至可以說是弱組賽事，只要吳嘉晉鎮定從事，坐位望贏應無問題。

　　「國粹精華」雖屬延遲報名期間加入，但排位朝潘頓過檔親試一課，重視有加；同一家族馬「龍華太旨」季內曾於潘頓胯下兩捷，合作早有默契，戰意亦不用懷疑。

　　另外，第九場三班1200米，「高嶺福星」前仗初出第四後，上場即縮程跑來港前一戰即勝之1200米，結果得第三，可見現階段此程最好，今仗大有機會成為巫斯義送行禮物。「飛神」操到好先上陣，隨時效法同主馬「飛影」一出即勝。（向東）