楊明綸先開心後被罰

猪拉多纳

華將楊明綸今季似乎都幾黑仔吓，2013年尾受傷之後，尋日第七場策騎「中華寶貝」又告落樓，雖然只係擦傷少少，但餘下場次仍要退下火線，「美麗里程」、「紅簿仔」換人上陣，昨晚入院檢查。
       
開心凱旋一放到底，半冷取勝。
策中華寶貝落樓退下火線

綸仔雖然夥拍「開心凱旋」爆冷食頭胡，打破近一個月無馬贏嘅悶局，但因不小心策騎被罰停賽兩日，周三開始執行，墮馬兼罰停賽，雙重打擊。練者文家良話，「開心凱旋」跑淋地唔錯，不過好易緊張出到周身汗，跑完閒閒哋跌廿零磅，所以唔可以出得太密，計質素隻馬喺五班有揸拿，跑啱形勢再勝唔難。