田泰安停賽前起孖

猪拉多纳

跑埋尋日沙田賽事，郭能、田泰安、李寶利同第八場犯規嘅杜利萊就要開始停賽，其中田泰安同李寶利都順利贏馬幫補停賽損失。雖然田泰安全日六匹坐騎加埋臨場易配嘅「開心得意」，賽前睇嘅機會都較為邊線，但並無令佢戰意受到影響，喺第三場先夥拍姚本輝馬房「天心星」一出即勝，然後再喺尾場憑「熊英雄」食出尾胡起孖得手，兩場都係田草1000米，南非騎師跑直路賽真係特別耍家。田泰安起孖後，個人頭馬數字終於進入二十大關，可以安心停賽放假。
       
熊英雄第六次勝出直路賽。

尾場勝出本身第六次田草一千米的直路王「熊英雄」，練者霍利時指出：「此駒之前健康有過嚴重挫折，曾做手術取出足部碎骨，很高興今次呢匹好馬能順利取勝，重振雄風，獸醫同馬房手足嘅努力總算未有白費。此馬向來特別擅長跑直路賽，但由於短期內二班不會再有同程賽事舉行，無可避免將要增程上陣，希望到時繼續有好演出。」