輕彈錢笑實力高強

猪拉多纳

　　今期沙田馬場上演七泥四草賽事，由於今期賽事跑十一場，所有大彩池的場次亦有變，宜加留意。

　　第一口孖T頭關第四場三班草地1000米，這場直路賽高手雲集，但論上仗賽績最硬淨的，莫過於蔡廐「輕彈錢笑」。這匹馬今次因莫雷拉停賽而換了安國倫，排一檔兼有「神州十號」這匹質新明星馬在陣，應該不會熱得太過分。

　　上仗「輕彈錢笑」季內初出，無端端縮程跑直路賽，結果輕鬆後上彈甩同場對手獲冠，回看該役的蹄下敗將：「龜兔競跑」再出贏；「喜寶駒」接戰轉跑谷草仍有第三；「羅馬神駒」再出以頸位之差獲亞；就算跑第七的「閃耀之星」，接戰都跑第四。「輕彈錢笑」從容贏甩三個多馬位，豈是省油的燈？要捧。

　　尾關第五場五班1800米，「辣得醒」上場的贏馬姿態，大家有目共睹，今期轉跑泥地兼換人，無非想換回少少分頭。既然此駒上仗可於田草1800米贏甩同場對手五個馬位，今次仍跑五班賽，很難不搵牠做膽。