豪氣初華步幅開揚

猪拉多纳

　　昨晨並非主要課期，跳馬不太多已係意料中事，已報名周日賽事者，有廿多駒提前考驗，不乏睇頭。

　　「豪氣初華」巫斯義試千二米，步幅開揚有力，身靚色潤，觀感殊佳。

　　「神舟十號」潘頓試八百米，副練策「超群名駒」佔先乘多帶放引導，最後二百米外檔的「神舟十號」獲准展步上前，三扒兩撥便追越侶，結果贏大半乘過終點，有易放難以之感，勇熟有增無減；「超群名駒」試來相形見絀。

　　「勝將」潘頓試八百米，副練策「故事」相伴，入直路未幾便並駕齊驅，外檔的「勝將」愈衝愈勁，以半乘壓住對方而回，鬥心湧現，體健神清，成熟程度邁進一步；「故事」未惹好感。

　　「金筷子」黎海榮試千二米，走勢爽朗，上勁起力，情緒比前集中，好過上賽。

　　「奇勇」助手試八百米，動作矯健，火力俱足，健康情況穩定，佳態洋溢。

　　「好鍾意」潘頓試八百米，出腳順暢，脾氣收斂，馬身現線條，續在進步中。

　　「左右逢源」助手試八百米，步伐整齊，身肌結實，生氣勃勃，九分光景左右。

　　「光輝之星」助手試四百米，走來快慢隨意，神清步爽，勁力均勻，近況頗勇。

　　「好精神」賴維銘試千二米，莫雷拉策「永神駒」佔先乘多帶放，電算機前外檔的「好精神」穩步上前，爭持之下未分勝負，腳步輕快而有力，朝氣蓬勃，愈戰愈勇；「永神駒」試來似模似樣，保持進度。