火紅人無本生利

猪拉多纳

今季初唔少華人倉口都交出好成績，其中何良馬房早前國慶賽日更連中三元，真係夠晒爭氣。老實講，論兵力何廐絕對講唔算上風，要部署一次咁嘅大 project 絕對唔容易，練者功力真係令人拜服。聽番馬房中人講，良哥嗰日的確一早準備晒成手馬搏殺，不過最有把握匹「火紅人」反而屈居後備一出唔到賽，而馬偉昌亦一早卜咗嚟騎，卒之搞到要坐冷板，不知幾無癮。
       
火紅人

查實又唔使覺得可惜嘅，呢隻「火紅人」上季係瘦肉精事件嘅受惠者，取代咗「一定贏」頭馬資格，多收獎金之餘又唔使追加番評分，計落條數真係着數到暈，相信以呢匹馬嘅底質，隨時有機會真真正正拉番次頭馬。