財駿福星評分着數

猪拉多纳

　　今期沙田舉行十一場賽事，由於季尾階段不少好馬早就贏夠暑，留下來的大多是搏極唔贏之馬，所以不宜大注博熱門WP了。另外，由於第八場精英盃只得六駒上陣，故此不設位置Q及季軍位置，宜加留意。

　　第一口孖T頭關第四場五班1600米，「黃金褭蹄」今季轉入薛達志馬房後出賽十次，雖然仍未能於季內取得頭馬，但並非全無競爭力，事關有六次跑入前五名，當中兩次跑獲季軍，都是輸半個馬位而已。由於此駒近三仗獲一季及兩席第五，相信評分已回到有利位置，故此推介此駒作膽。「黃金褭蹄」上仗出爭同程，該役步速被「動力網絡」按慢，故此，大後上馬形勢蝕底，惟「黃金褭蹄」拉士仍可憑後勁追獲季軍，今仗捲土重來，可以贏馬收復前失。

　　尾關第五場四班1400米，這場賽事可說是海軍鬥水兵場合，唯有揀姚「財駿福星」，此駒季初曾於73分時連續兩仗於湯智傑胯下跑獲季軍，現時只評59分跑四班賽，大有數。雖然牠近期狀態一般，但此駒上季尾亦試過大敗一仗後，再出即贏，可算是一把神經刀，既然今次繼續用呂卓賢減磅，而馬兒又有前速，或者可以一放到底，值得小注捧場。洋超