華麗堡頭場叫胡

猪拉多纳

　　姚本輝近期成績出色，有賴旗下一些當銳馬陣中交得到，但若缺少了徒弟呂卓賢，未必可成事，始終獲減十磅八磅，真係好使好用，尤其來到季尾，有磅減特別吃香。

　　目前呂卓賢係減7磅見習騎師，之前仲減緊10磅時，已經成日有佳作，自從升格之後，演出依然好，持續有頭馬到手，事實上，他在最近3期賽事取6W，比韋達不遑多讓！

　　今晚此子出馬6匹，分別來自4個馬房，師父佔3匹，餘下分別係文、伍及摩廐。睇隔晚票數，佢匹匹坐騎十倍左右，唔係特別冷落，又唔會太熱，若果揀中隻，其實已經和味。

　　如果畀我揀，頭場「華麗堡」及第三場「中國動力」比較鍾意。前駒在五班經常負重，先至跑唔出水準，今次突然以121磅迎戰，條件好得多；後駒減分太多，終於回到勝途，仲有1檔之利，係時候翻身。Jack