葉楚航攞獎有運行

猪拉多纳

尋日葉楚航馬房獲頒「最安全及整潔馬房獎」，成為呢個獎項設立十一年以來，第一個兩奪此項殊榮嘅馬房，夠晒威水。以往贏得整潔獎嘅倉口，同日賽事總有好成績交出，今年航哥亦唔例外，憑住「隨心隨意」食尾胡，今季贏到第63Ｗ，領先尋日食白果嘅告東尼3Ｗ，奪冠呼聲愈嚟愈高！
       

航哥指「隨心隨意」質素好好，每場都有進步。賽前佢都覺得大摩匹初出馬「威爾頓」威脅最大，好在「隨心隨意」再次展示好走勢，以輕鬆姿態贏馬。
       

隨心隨意進軍四歲大賽
       

航哥又話，「隨心隨意」下季轉四歲，可以應付更長路程，同時希望進軍一系列四歲馬大賽。至於季內會唔會再跑，就會視乎爭冠形勢後再作決定。