岡山綠雉喜氣沖天受讓筍

猪拉多纳

日乙大軍岡山綠雉近況頗沉，射手久木田紳吾剛宣布迎娶靚靚主播上杉櫻子，婚訊成為日本球壇熱話，隊內喜氣沖天。大軍今輪作客松本山雅，久木田紳吾將倒戈鬥舊會，相信班舊戰友唔會破壞氣氛，受讓要「讓球客勝」！

（周六下午4時開賽）
久木田紳吾倒戈迎大婚

久木田紳吾於東京大學畢業，三年前加入岡山綠雉，成功結識老婆上杉櫻子，後者擔任岡山放送主播。兩人感情穩定，日前決定拉埋天窗。久木田紳吾上季被外借至松本山雅，但被投閒置散，本季歸隊後擔任後備前鋒，四月尾作客神戶勝利船一役大爆發入兩粒，開始受到注視，呢個準新郎今仗倒戈出戰，必定想交出士哥保持人氣。

岡山綠雉近期戰績一般，主要因為王牌前鋒荒田智之頻頻死火，上次對住包尾大幡FC岐阜都交白卷，演出令人失望，久木田紳吾今次有機會落場搏殺。不過，綠雉本季客場水準穩定，聯賽作客八戰僅一敗，水準平穩，反觀松本山雅只於主場贏過一場，表現唔多掂，今次仲學人讓波，梗係信唔過啦，「讓球客勝」可作是日重心。