三箭大插柏雷素爾

猪拉多纳

日職周中補賽廣島三箭主場迎戰柏雷素爾，三箭老牌前鋒佐藤壽人再度落選日本大軍，睇住柏軍年輕箭頭工藤壯人入選恨得牙癢癢，為咗證明日本主帥沙哲朗尼揀錯人，佐藤必定會搏老命騷哥利，兩軍射手大鬥法，士哥必多，捧大！

（周三晚6時開賽）
佐藤工藤駁火

佐藤壽人今季累積九個聯賽士哥，保持多產，但無論佢踢得幾好，日本教頭沙哲朗尼始終對佢視而不見。反觀柏雷素爾九十後前鋒工藤壯人首度獲國家隊徵召，激到佐藤紮紮跳，兩代前鋒今次正面交鋒，難免畀人攞嚟比較，今次兩個都會爭取表現。柏軍對上三戰失十一球，後面散散哋，頂唔住佐藤，結合兩軍近四次聯賽碰頭全大嘅往績，不妨追多口大！
浦和勇爆仙台

同日另一戰浦和紅鑽主場對仙台維加泰，紅鑽聯賽三連勝愈踢愈順，對上兩場同樣轟入六粒，進攻火力好得人驚，進攻主力原口元氣、柏木陽介、馬斯奧李察迪斯同興梠慎三個個有質有態，乘勇主場出擊有力再下一城，捧主勝！

（周三晚6時30分開賽）