蔡明紹復出「牛」

猪拉多纳

　　今期賽事，蔡明紹和梁家俊停賽期滿復出，二人俱有若干數量坐騎，不過，後者多為機會較次之冷門馬，反觀前者坐騎強得多，呢點冇法子，梁家俊掛單馬房接近兩個月冇馬贏，梁家俊成績同樣受到牽連。反觀蔡明紹，情況剛好相反，師父爭緊冠軍，真係殺得性起，一定有關照。

　　今日東廐出馬多，一共11匹，其中6駒配蔡仔，當中好似「牛精仔」及「加州萬里」，已經係機會馬之一，隨時幫師父起個孖。

　　第六場「牛精仔」，曾經跑贏「寶寶飛龍」，上場被反先，實力可能差不多，但置身呢組，大部分對手季內冇贏過，賽事水準比上場相差一條街咁滯，食老本都夠贏。

　　第七場「加州萬里」，心律不正復出即上名，始終係馬王級，鬥心一流，照道理，再出應該更勁，呢場東廐實行不分正副齊齊搏。

　　此外，蔡仔外線馬「星運俊爵」分數日漸見頂，勝在襟弗、檔靚及1200米準繩，冷門諗得過。Jack