皇蘇踢到曉「菲」讓得起

猪拉多纳

力求相隔10年後再闖歐聯嘅皇家蘇斯達，今晚喺西甲造訪中游分子基達菲，無論計實力、狀態同決心，皇蘇都秤先一大截，小讓平半，1.76倍上盤玩得過。

（now632台周二凌晨4:00直播）

10年前喺西甲勇奪亞軍得以進軍歐聯嘅皇蘇，估唔到事隔10年後又成為西甲新勢力，目前排第4嘅佢哋，以2分壓住多踢佢哋一場嘅華倫西亞，保住歐聯席位形勢大好，只要喺最後5場波生生性性，話唔定又有機會進軍歐聯大舞台。
基達菲冇態5戰得2分

事實上，皇蘇今季演出真係勁Sharp醒，陣中3件90後新星包括中場基沙文、伊拿拉文迪同守將恩尼高馬天尼斯，都已經成為大球會收購對象，最重要係前阿仙奴前鋒卡路士韋拿，今季終於脫胎換骨大爆發，至今有13個聯賽士哥，皇蘇嘅鋒力當然信得過啦！講到狀態，呢班波真係弗到嚇死你，佢哋自從年初輸畀皇馬後，到依家已經15場不敗，氣勢勁爆，今晚就算作客都冇有怕！

基達菲本來都曾經以進軍歐洲賽為目標，不過隨住呢班波近5戰只得2分，球員基本上都已經洩晒氣打定輸數。更大鑊係佢哋件次席射手阿祖安哥倫加，以及防線主力沙治奧艾斯古迪路因傷停缺陣，陣容不整，仲唔係等死格局？