關西打吡大激鬥

猪拉多纳

勝利船飛腳火力勁

今輪日乙快車上演超矚目關西打吡大戰，神戶勝利船主場惡鬥大阪飛腳，兩支超班球隊被視為今季升班熱門，目前霸住頭兩位，雙方同樣擁有大批星級進攻球員，今場星級對決預期係一場精彩入球騷，必捧大盤！

（周一下午3時開賽）

先同大家數星星，神戶勝利船前面擁有田代有三、迪臣保保、小川慶治朗同馬施奴等猛將，佢哋個個都夠料打日職，特別係兩大射手田代有三同迪臣保保，絕對有本錢喺任何一支日職球隊做正選，兩人今季各入五球，打日乙大超班！另一邊廂仲堅，大阪飛腳坐擁兩大超級前鋒李安度蒙迪拉及平井將生，兩位仁兄今季加埋入咗十粒，仲有倉田秋及遠藤保仁等球星支援，進攻火力都好勁。

兩隊上季降班同樣令人意外，今季雙方都以稱霸日乙為目標，兩支關西球隊向來處於敵對態度，以往飛腳威盡亞洲，一向無視勝利船，如今佢哋同病相憐，仍然會鬥餐死。論今季表現，勝利船仲穩定過飛腳，兩軍目前喺聯賽十二戰過後都係入咗廿一球，大家都擁有強大攻力，為爭日乙一哥地位，今戰實會去盡對攻，預期今場都係多士哥，大盤係投X首選，可兼顧埋總入球四、五。
日乙推介

長崎成功丸勝

神戶勝利船大

富山勝利細
日職推介

甲府風林讓球客勝

大宮松鼠勝

鹿島鹿角大