侯城爭升班唔放過藍鳥

猪拉多纳

今晚英冠煞科，24隊波齊齊喺晚上7:45出場，最矚目嗰場梗係（六）11侯城對卡迪夫城場大戰啦！侯城攞3分就即刻直接升班，主場出擊對住已經提早封王嘅「藍鳥」，戰意肯定勝一籌，1.8倍主W信得過。
狼隊焗攻保命

睇番聯賽榜形勢，揸住78分嘅侯城目前領先第3位嘅屈福特1分，總之今鋪做好本分贏波就完成任務。侯城爭取時隔3季重返英超，會方將今場波形容為「創會109年嚟最關鍵戰役」，相信就算中場高倫同前鋒謝度倦勤，以法耶特同佐治保特為首嘅鋒線一樣夠照，對住已經獲得直接升班資格嘅卡迪夫城，淨係份鬥心都贏成條街啦！

同一時間開波仲有場白禮頓對狼隊（六）5，作客嘅狼隊要贏波先有望逃出生天，作客環境都肯定搏老命焗攻，呢場波撐1.9倍「讓客」好路。