皇蘇弗到漏繼續追

猪拉多纳

今晚臨瞓前有乜好玩？小妹推介（日）51嘅奧沙辛拿對皇家蘇斯達，相信季初冇乜人會諗到皇蘇會喺西甲中段開始大爆發，近21輪只係輸過畀皇馬，大有機會獲得來屆歐聯資格！雖然中場伊拿拉文迪要停賽，但阿基列斯、卡路士韋拿同埋基沙文呢班火力泉源個個都弗到漏，呢3位猛將近4戰夾埋入咗7球，要砌低全西甲火力最弱嘅奧沙辛拿，根本唔係咩難事。
教頭蒙坦尼亞傳獲2年新約

仲有呀，教練蒙坦尼亞由季初畀自己球迷噓爆，到家陣帶隊力爭歐聯席位，完全展現出佢嘅領軍功架，近日西班牙傳媒仲話佢大有機會獲球會續約兩年，只要鎖定歐戰席位，新約就手到拿來，小妹相信成隊波都會醒醒定定，作客砌低近6戰5敗嘅奧沙辛拿幫教頭拎到份應得嘅「禮物」，客W有2.23倍唔係唔捧啩？