勁飛馳蘇狄雄病愈即贏

猪拉多纳

蘇狄雄剛周三因為腸胃不適退下火線，尋日卒之好返晒可以上陣，仲憑八歲老馬「勁飛馳」掄元，周三停賽前贏番一場。
       
勁飛馳

查實雄仔呢排手風唔曳，上個禮拜至騎「首飾多寶」贏黎海榮嘅「駕翠」，估唔到今次輪到「勁飛馳」殺低大師兄隻「駕聖」，真係講都無咁橋！
       
蘇狄雄（左）喜獲伍碧權支持，病愈復出即勝。
下季或歸隊呂健威

「勁飛馳」依家八歲仲有咁有戰鬥力，幕後當然唔捨得咁快退役，團體馬主代表陳俊達話來季伍碧權退休，隻馬多數會跟實「威水福星」、「勁飛揚」等同系馬歸隊，不過加盟邊個馬房就要開完會至可以百分百肯定，暫時以訓練緊「勁飛駿」嘅呂健威呼聲較高。