塞維利亞打吡 貝迪斯打爆西維爾

猪拉多纳

塞維利亞打吡戰爆發！今晚西甲獨腳戲有貝迪斯主場迎戰同市死敵西維爾，主隊近排喺自己地頭嘅氣勢異常凌厲，面對外訪戰績喺聯賽榜排尾二嘅客軍，絕對有力贏波一報首循環大敗之辱，力逼馬拉加爭取歐霸盃席位，2.47倍主勝可以一試。（now632台周六凌晨4:00直播）

西班牙《馬卡報》話有大批主隊球迷早喺今個星期一開始，就大排長龍撲飛，希望見證愛隊一報首循環輸1:5之仇。其實呢班「貝迷」唔需要太擔心，皆因西維爾全季作客聯賽只係贏過1場咁大把，外訪戰績排積分榜尾二，堪稱「作客蟲中蟲」，同佢哋全西甲排第4嘅主場戰績差天共地，所以小妹好有信心近8仗主場不敗、砌低過馬拉加嘅貝迪斯有能力贏波。
西維爾後防主將停賽

除咗要向死敵報仇，貝迪斯賽前同第6位嘅馬拉加同分，爭取歐霸盃席位非常樂觀，當然格外有動力啦！咪忘記魯賓卡斯度同佐治摩連拿都係入球好手，撞啱西維爾後防大將費蘭度拿華路停賽，貝迪斯當然有機可乘啦！