如你所願票勁贏得

猪拉多纳

　　如果要搵今日最惡馬房，應該係蔡約翰，十場賽事，隔晚有七場大熱門係蔡廐馬，頭三場嗰三匹仲要係處女馬嚟，既然外間對蔡神仙咁有信心，點可以唔捧佢。

　　怪飛馬揀第二場蔡廐「如你所願」，唔知係唔係已經退役嘅同主馬「無懼風雨」初出時勁到爆炸，呢匹「如你所願」隔晚W飛相當硬朗，維持喺3.5倍左右。

　　話說佢來港後試過四課閘，得第一次試嘅八百米閘贏馬，其餘都係混居中游位置，表現唔算太出位，難得咁都可以吸引大量「粉絲」投入金錢，信心可想而知，周某唔跟咪好蝕？

　　騎師王方面，話明蔡廐搏馬，韋達點會唔係大熱？但1.25倍實在少得過分，不如改博潘頓。周仲