錫菲聯死火入球細抵博

猪拉多纳

今晚英甲爆發升班大戰，「四哥」錫菲聯喺主場迎戰次席嘅賓福特，雖然兩隊為爭奪直接升班資格肯定寸土不讓，衰在兩軍鋒線近期都死晒火，1.68倍入球細係最佳選擇。（開賽時間︰周六晚8:45）

錫菲聯防守出色，上場先畀史提芬納治中止6場不失走勢，可惜近期卻守強攻弱，近4戰食咗3場白果，前鋒占美梅菲又入埋十字軍，難怪主帥丹尼威爾遜都煩緊點解決死火問題。
賓福特近5次作客4場食白果

對家賓福特作客火力亦都唔多掂，近5次客場4度交白卷，首席射手當奴臣都一樣狀態低迷，近12戰僅入兩粒，今場又有前鋒艾阿拉古、中場基雲奧干拿唔出得，鋒力難有起色。況且呢場「6分波」將直接影響雙方嘅升班形勢，預期兩隊都會穩打穩紮，避免先失球，翻查紀錄，兩軍最近3次交手全部開細，有埋數據支持值得追多鋪。