韋根季尾大力抽鞭

猪拉多纳

英超球隊喺歐聯十六強全軍覆沒，呢種情況真係非常罕見，論賽事水平，佢哋未必係歐洲最高，但講到受歡迎程度，點計都係英超最掂。德甲球隊進步神速，整體水平已超越英超，拜仁同多蒙特甚至有力挑戰西甲班霸皇馬及巴塞，肥叔預期今屆歐聯冠軍不離呢四隊，其他都係陪跑o架喇。

不過，講到尾英超始終都係多人睇，家陣曼聯奪冠機會高唱入雲，榜首形勢已定，護級戰仲刺激啊！今輪下游球隊韋根主場對紐卡素，計級數係人都知紐卡素高啲，但好多熟悉英超嘅朋友都知道，韋根慣性於季尾演出特佳，佢哋啱啱喺盃賽作客大勝愛華頓，真係犀利，今次面對「喜鵲」會以三分為目標，一定主攻搶分，入波唔慌少，要大盤。

（有線203及303台周一凌晨零時直播）
拿玻里打真軍

意甲方面，近期最紅嗰隊梗係祖雲達斯啦，另一支前列球隊拿玻里同樣有好多支持者，呢隊波不嬲都有人緣，早於馬納當拿在陣時期累積唔少球迷，近年再次重返意大利頂級球隊行列，愈來愈多捧場客。拿玻里奪標機會唔算高，但仲要保住歐聯席位，今次對住下游分子阿特蘭大實會打真軍搏畀你睇，讓到一球、球半係辣咗啲，估計佢哋仍可贏波贏盤。

（周日晚10時開賽）
肥叔心水

新特蘭 細

拿玻里 上盤

法蘭克福 上盤

熱刺 上盤

車路士 上盤

韋根 大

慕遜加柏 上盤

帕爾馬 下盤