辛尼特返主場「-1」追素

猪拉多纳

首回合無喇喇輸兩粒，辛尼特返無敵主場殺無赦！另一場歐霸盃16強次回合賽事，俄超辛尼特撼瑞士巴素利，辛軍首回合吞兩蛋好唔抵，幸好前鋒侯克大勇，挾近六次歐霸盃主場出擊全勝，兼唔止贏一粒勁勢，拿仁一於吼「讓球主勝」同大盤！

（有線64及203台周五凌晨1時直播）

08年歐霸盃盟主辛尼特，於09、11同12年，分別殺入歐霸盃16強，雖然主場鬥烏甸尼斯、川迪同賓菲加贏晒，但衰在作客全敗兼冇入波，最後都出局收場。今次佢哋作客又輸0比2，返主場分分鐘贏波出局。事實上，辛尼特主場威力勁爆，於歐霸盃近六次主場迎敵全勝，紀錄為兩次2比0、三次3比1，以及一次4比2，首回合落後兩粒情況下，辛軍「讓球主勝」要捧。計人腳，辛軍巴西前鋒侯克弗爆，上圈對利物浦兩回合都有波入，今場相信亦唔會例外。
巴素利上仗贏運

巴素利首回合到完場前先連省兩球，贏來有幸運成分，佢哋一向攻強於守，而且不擅作客，去屆歐聯16強主場贏拜仁一粒，去到安聯球場就吞夠七蛋，今場捧埋大盤。