李寶利冷W獻父母

猪拉多纳

意大利年青好手李寶利今季重臨成績唔錯，但卻不脫冷殺手本色，啱啱響夜賽連場熱門竟然位置不保，反而擒日賽事，響頭場騎隻不為人注意嘅「荃城歡欣」，即刻爆出26倍冷Ｗ，取得佢蛇年首捷之外，亦為呢匹馬帶嚟處女勝利。
       
荃城歡欣﹙紅箭嘴﹚首次落五班技壓群雄。
荃城歡欣增程掂

李寶利父母喺上個禮拜嚟香港探望佢，呢兩期賽事亦有入場打氣，可惜都係失望而回，直至擒日終於可以親身目睹愛兒贏馬，自然分外高興。
       
李寶利父母留港打氣，終取得蛇年首場勝仗。

而練馬師文家良賽後亦表示，今次贏馬，除咗要讚李寶利留放出色外，仲要多謝梁家俊跑完上賽後，建議為呢匹馬增程，加上隻馬今次落五班跑，始終有班利，能夠為馬主周厚澄帶嚟久違嘅頭馬，總算有所交代。